177
schrokken toen e het spoek op dizze wieze heurde reveln en hij begon d'r
van te rillen.
"Luuster naor mij, "ruup de giest. "Mien tied is bienao um."
"Ik luuster!"zee Skraoper". Maor wees niet te hard veur mij. En gebroek
niet zuk een dichterlieke taol astebliefl, Van Maerle."
"Ik ben hier vanaovend hen kommen um je te waorschouwen, daj nog ien
kaans hebt, nog ien meugelijkheid um mien lot te umzeilen. Een kaans en
een meugelijkheid, die aj an mij te danken hebt, Skraoper!"
"Je waren altied een goeie vrund veur mij"zee Skraoper. "Dank je"
"Je zult deur drie spoeken worden bezocht."
Skraoper zien gezicht wur bienao net zo lank as daorstrakkies dat van het
spoek. "Bint dat de meugelijkhieden en de kaans die ie bedoelden, Van
Maerle "Ik geleuf dat daor niet um stao te springen."
"Zunder hun bezuuk kuj niet hopen het pad te ontwieken, dat ik bewandeld
hebbe. De ierste ku'j morgennacht verwachten as de klokke ien slaot. De
twiede ku'j de volgende nacht verwachten op hetzulfde uur. De darde in de
nacht daorop as de klank van klokslag twaalven weg is. Denk d'r an, daj
mij niet meer terugge zult zien, en da'j je, um joen eigen bestwil, blieft
herinneren wat er tussen oes west hef."
Het spoek ging achteroet bij hum vandaon en bij elke stap die e dee, scheuf
het raom oet zichzulf een beettien umhoog, zodat het hielemaol openstun
toen het spoek er ankommen was.
Skraoper dee het raom dicht en keek waor de giest binnenkommen was. Het
raom zat in het slot en de grendels waren niet verscheuven. Hij stun op het
punt um: "Ach kwats te zeggen, maor hij huul het bie de ierste lettergreep.
En urndat e misschien wal deur de opwinding, of de vermoeienissen van
de dag, of de blik op de unzichtbaore wereld, of het vermuiende gesprek
met het spoek, of umdat het gewoonweg zo late was, lekker oetrusten wol,
gung e regelrecht naor bedde zunder zich oet te kleden en vuul mettien in
slaop.
A Weerdinger Ditty
By Piet Witte
Een groot Dickenskenner uit Weerdinge
Had spoedig al zeven, ja acht leerlingen
Maar zijn Pita zei: Guus,
Ik word bijkans confuus,
Liekst Domi wel met zien bekeerlingen!'.
