48
AERNOUT
Aernout Diedericx soone regeerde daerna
en had een vrouwe, gheheten Luytgaert.
Theophanus de keyser van Griecken, soo ick versta,
was haer vader en die roomsche keyserinne vermaert
haer suster. Als ons die cronycke verclaert,
wan hy Diederick d'outste, die na hem besat tlant,
en d'eerste heer van Brederoode van hoogher aert,
Sybert gheheten, de iongste soon, neemt wel tverstant.
In eenen strijt wert verslaghen die wygant 3)
van de Vriesen in Winckelremade, dats claer.
Hy wert tEgmont begraven, als ick bevant,
soo en regeerde hy Hollant maer vijf iaer.
DIEDERICK III
Die derde Diederick wert grave na dien.
Een vrouwe, hiet Wythilt, had die prince ghoet,
hertoch Otten dochter van Sassen, by wien
hy wan twee ionghe soonen seer soet:
Diederick grave van Hollant, sijt dies wel vroet,
en Floris grave van Oostvrieslant, vroom van lede.
Nadat hy van de Uutrechtsch zeghen quam metter spoet,
reysde hy te Ierusalem met wyser sede,
maer int wedercomen hy sijn eynde dede,
als XLVI iaer gheregeert had met groot eere,
en wert tEgmont begraven. Daer leyt oock mede
sijn broeder, van Brederoode die eerste heere.
DIEDERICK IV
Diederick de vierde weit grave na desen,
wijf noch kinderen en had hy niet.
Nadat dese sijn vyanden was te vooren gheresen,
te Dordrecht wert hy ghebrocht int verdriet.
Met een fenijnde strale 4), verstaet tbediet,
wert hy gheschoten, soodat hy liet sijn leven.
II| iaer regeerde hy, eer hy versciet,
en is tEgmont begraven, die heer verheven,
int iaer ons Heeren, als men MXLVIII heeft ghescreven.
