49
FLORENS I
Floris Diedericx broeder wert grave doe.
Oostvrieslant had hy gheregeert sonder sparen
VIII iaer. Desen had een wijf, soo ick bevioe,
hertoch Heymans dochter van Sasse, ionck van iaren,
an wien hy wan, na der gheesten 5) verclaren,
Diederick grave van Hollant. Als ick bekinne,
soo sach men Ghertruit sijn vrouw naer desen oock baren
een dochter, die van Vranckrijck wert conynginne.
Doe hy sijn vyanden had verwonnen tsijnnen onghewinne,
wert hy van sijn vyanden verslaghen, als hy sliep met luste,
te Hamert. Hy regeerde XIIII iaer met sinne
en wert tEgmont ghevoert te grave. God gheef hem ruste.
GHEERTRUUD
Gheertruyt Floris wijf regeerde Hollant doen
twee iaer soot blijct van haer kinder weghen.
Doe nam sy eenen man van herten coen,
daer therte met ionste 6) was toegheneghen,
Robrecht den iongsten soone, den edelen deghen,
des graven van Vlaenderen, soo ick versta,
diewelcke groote eere heeft vercreghen
door sijn vrommicheyt voor en na.
ROBRECHT
Dese Robrecht van sijns wijfs kinder weghe regeerde
tien iaer. Hy street vromelick int heylighe lant
en an Geertruyt sijn wijf, die deucht hanteerde,
wan hy twee kinderen, die heere plaiisant,
een soon, hiet Robrecht, stout en vaeiillant,
en Adelye grootvorstin van Denemercken.
Als dese heer vererede was, sy u bekant,
van den hertoch van Lotrike, uut bisschops verstercke
van Uutrecht tooch hy in de vlaemsche percken
en wert daer grave na sijns broeders kinderen doot.
Doe hy sieck daer was leden, wert hy in der kercken
tsint Pieters te Cassel begraven, dats bloot.
