51 DIEDERICK VI Die seste Diederick regeerde Hollant alghader. Hy had Otto tpalsgraven dochter Sophye te wyve, an wien hy wan als ionstich berader Floris grave van Hollant, soo ick belye, Otto grave van Benthem en na dien tye Boudevijn en Diederyck, bisschoppen tUutrecht. Als hy die Vriesen en den grave van Kuyck met strye had verwonnen, hy tooch te Ierusalem recht. Int wedercommen vandaer, tis slecht, starf hy, nadat hy had grave gheweest XLI iaer; alsoo die historye secht, wert hy tEgmont begraven met ghroote feest. FLORENS III Floris de derde wert na den vader ghecoren. Ada sconyncx dochter van Schotlant was syn vrouwe, van wien hem drie sonen worden gheboren, d'eerste hiet Diederyck, d'ander Willem, soo ick schouwe, de derde Floris. Als dees heer ghetrouwe teghen die Vriesen en Vlamyngen vele stryden had ghehadt, tooch hy, na mijnnen onthouwe, met veel kersten heeren, sonder vermyden, om t'heylighe lant te winnen, daer hy te dien tyden starf en wert in Antiochyen begraven doe, in sinte Pieters kercke na daer belyden. Hy regeerde XXV iaer, soo ick bevroe. DIEDERICK VII Daerna wert grave Diederyck de sevende ende die edel grave van Cleve soet was hem Alit sijn dochter te wyve ghevende, daer hy een dochter an wan, sijt dies wel vroet, Ada gheheten, dit princelick bloet. Had veel stryden teghen die Vriesen fel; die Vlamynghen beheerde hy metter spoet ende die Uutrechse verwon hy wel. Al sijn vyanden brochte hy int gequel.

Krantenviewer Noord-Hollands Archief

Jaarverslagen en Jaarboeken Vereniging Haerlem | 1958 | | pagina 69