53
WILLEM II
Willem wert grave en nam te wyve ghereet
shertoghen dochter van Brunswijck seer schoone,
an wien hy wan, alsoo men claei lyck weet,
Floris sijn navolgher, net van persoone.
Roomsch conynck wert ghecroont dieghoone.
Hy lach voor Aken en wan die stat, soo vinden wy,
daer hy ghecroont wert met de roomsche croone.
Die Vriesen en Vlamyngen verwan die heer vry,
maer als hy weder in Vrieslant quam, gheloovet my,
sloeghen hem de Vriesen te Hoghentwoude doot;
in Middelburch begraven. Hollant regeerde hy
XXI iaer, maer t' roomsche rijck VIII iaer, dats bloot.
FLORENS V
Floris de vijfste wert grave, des sijt ghewis.
De Vlamynghen verteerde 8) hy en brochtse int verbont,
soodat hem wert te wyve ghegheven Beatris,
graef Guyden dochter van Vlaendren en wan, soo tis becant,
ioncker Ian sijn soon; een bastaert had hy, soo ick bevint,
heer Witte van Haemste d'eerste heer. Maer eerst an
bedwanck hy de Vriesen en stichte in Vrieslant
vijf sloten, daerna wert verslaghen dees edel man
van Gherrit van Velsen, soo ick bevroeden can.
Twee en veertich iaer hy Hollant besat.
Als hy sijn levens was ghescheyden van,
wert hy te Reynsburch begraven, verstaet wel dat.
JANI
Dits ioncker Ian Floris soone verheven;
van Enghelant had hy sconincx dochter vercoren,
Elisabet gheheten, die hem wert ghegheven.
Desen hadde veel stryden, als men mach hooren,
teghen de Vriesen, dwelck sy al verlooren,
want hy se bedwanq en den bisscop vermaert
van Uutrecht verwan hy, al had hys tooren.
Daerna starf dees heere van hoogher aert
te Haerlem sonder kinderen, tsy u verclaert,
