56
AELBRECHT
Dits van Bey eren die edel hertoghe Aelbrecht;
shertoghen dochter van Brye was sijn wijf voorwaer,
Margriet, an wien hy wan VII kinders, dats slecht:
hertogh Willem, sijn navolgher, en hertogh Ian eerbaei,
bisschop van Luyck, en Aelbrecht daernaer,
die vrouwe van Gelre en die coninghine van Benesoet,
Margriete van Bourgognen hertoghine, dats claer,
Ianne hertoghen van Oostenrijck, heb doch tverstant;
had oock bastaert Willem van Scaghen d'eerste heer, want
met hertoch Willem sijn soon dwang hy de Vriese tsamen
en d'Uutrechse. Soo als ruwaert, als heer van tlant
regierde XIII iaer; begraven te Haghen na t'betamen.
WILLEM VI
Dits hertogh Willem van Beyeren, wel hoogh van moede.
Hy had te wyve hertoch Phlips dochter de Herdy,
Margriete van Bourgongen, seer edel van bloede,
daer hy sijn dochter vrouw Iacob wan by.
Een bastaert heer Evert gheheten had mede hy,
die d'eerste heer van Hoghewoude wert te dien stonde.
Die Vriesen en die van Arkel bedwanck die heere vry.
Haspern, Hagesteyn, Evertsen verdarf hy ten gronde.
Hy versloech de Luykenaers, soo ick vermonde,
ende starf in Henegouwen, doe men schreef
MCCCCXVII na cronyken oorconde.
XIII iaer regeerde hy en te Valencijn begraven bleef.
JACOBA
Na hem vrouw Iacob quam en wert gravinne,
maer in haer vaders lant niet en mochte
regeren, besitten noch houden met minne,
want hertoch Ian haer oom int verdriet haer brochte.
Daerna hertoch Philips haer mede versochte
met moeite swaerlyck, dies sy ghequelt was.
Al hadde sy vier mannen, also my dochte,
vercreech gheen vrucht, dees vreuchde gheveltll) was.
Als XVI iaer sy regeert had en seer ontstelt was,
