58
die an haer wan hertog Phlippe, reyn van persoone,
en Margriet, die versekert is met ghoeden bestiere
den conynck, die van Vranckrijck draecht de croone,
en Franciscus, die iong voer ten hoochsten troone.
Als sy met haer man had gheregeert V iaren
en twee maenden, doe starf te Brugh die schoone;
daer begraven t'iaer MCCCCLXXXIII sonder sparen.
MAXIMILIAEN
Dits van Oostenrijck hertogh Maximiliaen,
die een strijt hadde groot en vervaerlyck
teghen die Fransche, die hy heeft tonderghedaen.
Die stat van Uutrecht beleyde hy swaerlyck,
soodat sy hem opgaven, als elck weets claerlyck.
Ghent bedwanck hy en d'ander vlaemsche steden.
daerna wert hy ghecoren roomsch conynck openbaerlyck
en is te Aken ghecroont met wyser seden.
DOOD
Die doot seyt tot den heeren:
Ghy hollantsche graven hier al ghemeene,
ghy gravinnen, ghy voochden die sijt voorleden,
daer en isser ghebleven thants uwer gheene,
maer sijt an mynen dans getreden.
Nu ghy regeert hebt bey lant en steden,
men weet dat thants wel altemalen,
ist al gheschiet na recht en reden,
soo moochdy voor Godt u loon nu halen.
1st oock soo niet, soo salt u falen,
want heeft gunst of haet dat recht verkeert,
soo moety met pijnnen dat nu betalen;
ia ghy hadt voor pelgrim veel bet gaen dwalen,
dan ghy u landen hebt soo gheregeert.
4) rood
2) moeilijkheid
3) held
4) vergiftigde pijl
5) geschiedverhalen
6) liefde
7) daar in de om' rek
8) vernietigde
twist
10) strijd
11) te niet gedaan
12) onkreukbaar
13) bedrukt
14) schoon (joli)
15) spoedig
16) 9j- jaar (10de jaar
half)