Sparna secat medio, fluvius placidissimus, amne;
5 Pascuntur celeres, examina lubrica, pisces.
Marmore constructum templum et laquearibus aureis,
Non vulgare decus, sed caelum vertice tangens
Rebus adest, cultaeque domus et daedala tecta.
Ilicibus densum et latum nemus adiacet urbi,
io Dona pharetratae praebens fugitiva Dianae,
Pinguiaque incumbunt formosi pascua ruris,
Irrigui saltus Dryadum sedesque Napaeis.
Hie quoque Pieridum domus inclita formosarum, -21—
Claras ubi rigidas meruit Schonaeus habenas.
15 Forma haec tantum alias inter caput extulit urbes,
Quantum inter villosa feras lea montibus altis.
Illic imperitat iustus, sacer ordo senatus
Grandaevique senes, Themidos iustissima cura,
Qui populi aequato librant examine causas.
20 Mutua at, ante alios, ditat concordia cives,
Florentesque vigent nec inhospita pectora gestant,
Dediti evangelio fideique immane tenaces.
Arte laboratas ostentant compita lini
Merces, Cecropiae dona ingeniosa Minervae.
25 Magni animis armisque viri, Mavortis alumni,
Audaci concessa quibus victoria voto:
Ad septemgemini Pelusia flumina Nili,
Maxima ubi vicit vim virtus robore et armis,
Impulit inductam puppis serrata catenam.
30 Hostibus insignes caesis, et terror Iberis,
Quando hostili acies illos cinxere corona.
Multorum heroum belli inter proelia fugit
Letiferas Orci vita indignata sub umbras.
Nulla dies memori tantum decus eximet aevo.
35 Salve urbs alta iugis, urbs inclita, dives arenis.
Salve urbs dia, mihi sic sis in saecula felix,
Salvete unanimesque viri, iustique catique.
Pierii salvete viri sociique fideles,
Schonaee, Schreveli, Arnolde, o dedita Musis
40 Pectora! at in placida cives decurrite pace
Tempora, labentis spatiis coeuntibus anni.
Tuque potens sceptri clipeo hos tutare perenni
Imperiique, Deus mitissime, dirige frena.
Da sapere et sanam populo cum corpore mentem,
HANS VAN DE VENNE
